ଭୁବନେଶ୍ବର: ଚାଲିଛି ସଡ଼କ ସୁରକ୍ଷା ମାସ | କେନ୍ଦ୍ରଠାରୁ ରାଜ୍ୟ ସରକାରଙ୍କ ପର୍ଯ୍ୟନ୍ତ ବ୍ୟାପକ ସଚେତନତା କାର୍ଯ୍ୟକ୍ରମ ହାତକୁ ନିଆଯାଇଛି | ଏହି ସମୟରେ କେନ୍ଦ୍ର ସଡ଼କ ଓ ପରିବହନ ମନ୍ତ୍ରୀ ନିତିନ ଗଡ଼କରୀ ଏକ ସୁନ୍ଦର ଭିଡ଼ିଓ ନିଜର ଟ୍ବିଟର ପେଜରେ ଶେୟାର କରିଛନ୍ତି | ଗଡ଼କରୀ ଯେଉଁ ଭିଡ଼ିଓକୁ ଶେୟାର କରିଛନ୍ତି ସେଥିରେ ଛୋଟ ଛୋଟ ସ୍କୁଲ ପିଲାମାନେ ସଡ଼କ ସଚେତନତାର ବାର୍ତ୍ତା ବାଣ୍ଟୁଛନ୍ତି |
ଏହା କେଉଁ ସ୍ଥାନର ତାହା ଯଦିଓ ଜଣା ପଡ଼ିନାହିଁ, ତେବେ ଭିଡ଼ିଓରେ ପିଲାମାନେ ସଡ଼କ ସୁରକ୍ଷାର ବାର୍ତ୍ତାକୁ ଠିକ୍ ଭାବେ ପହଞ୍ଚାଇ ପାରିଛନ୍ତି | ଯାହା ସୂଚନା ମିଳିଛି ଏହା ନୟାଗଡ଼ର ଛାତ୍ରଛାତ୍ରୀମାନଙ୍କ ଦ୍ବାରା ପ୍ରସ୍ତୁତ କରାଯାଇଛି | ଗଡ଼କରୀ ଟ୍ବିଟ୍ କରିବାର ମାତ୍ର କେଇ ଘଣ୍ଟା ଭିତରେ ଭିଡ଼ିଓକୁ ୫୦ ହଜାରରୁ ଅଧିକ ଲୋକ ଦେଖିସାରିଲେଣି | (ସରସ ସମ୍ବାଦ ସେବା )
ହ୍ୱାଟ୍ସଆପରେ ପାଆନ୍ତୁ ସରସ ଖବର 